GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

 ახალი ამბები

NAEC.GE-ს პირველი ნომერი გამოვიდა

29 აპრილიდან გაყიდვაში გამოვა ჟურნალი "NAEC.GE"-ს პირველი ნომერი, რომელიც მკითხველის ფართო წრეზეა გათვლილი. მოსწავლეებისათვის განსაკუთრებით საინტერესო იქნება 2013-2014 სასწავლო წლის გამოსაშვები გამოცდების ტესტური დავალებების ნიმუშები (ფიზიკა, ქიმია, ბიოლოგია, გეოგრაფია), მასწავლებელთა სასერტიფიკაციო გამოცდების მონაწილეებს პროფესიული უნარების ტესტზე მუშაობისას უდავოდ დაეხმარება კონკრეტულად ამ გამოცდისათვის მომზადებული რეკომენდაციები.
ნომრის პირველ წერილში - "დაარსებიდან დღემდე" - ცენტრის ისტორიის ყველაზე საინტერესო და დრამატულ მომენტებს უშუალოდ თანამშრომლები იხსენებენ. სტატიით "ისინი პირველები არიან" მკითხველი გაიგებს, თუ რას საქმიანობენ პირველი ეროვნული გამოცდების ყველაზე წარმატებული აბიტურიენტები. ასევე შეიტყობთ, რომ თურმე "გამოცდაზეც შეიძლება გაერთო", "ორი პედაგოგის ერთი დღე" კი განსხვავებულია, მაგრამ თანაბრად საინტერესო. საერთო სამაგისტრო გამოცდის სიახლეებს დეტალურად გაეცნობით ჯგუფის ხელმძღვანელის, ივანე წერეთლის ინტერვიუდან.
გარდა ამისა, ნომერში იხილავთ რეპორტაჟს უსინათლოთა სკოლა-პანსიონიდან, შეიტყობთ რუსთავის 24-ე საჯარო სკოლის მოსწავლეთა ტრადიციული წარმატებების შესახებ ეროვნულ სასწავლო ოლიმპიადაზე. "ფლექსის" პროგრამის ერთ-ერთი მონაწილე კი თავად გიამბობთ ამ პროგრამისა და ამერიკული გამოცდილების შესახებ. ნომერში დაბეჭდილია წინა წლების ქართული ენისა და ლიტარატურის ოლიმპიადის საუკეთესო ნაშრომები და, ცხადია, სპეციალურად ამ ნომრისათვის გამოცხადებული კონკურსის გამარჯვებული სტატია.

საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze